Nandriaka ny ra, roa nisesy teto antsirabe, roa lahy no maty voadonan’ny kamiao. Ny iray tao Mandaniresaka ny marainan’ny talata 10 desambra teo, tovolahy kely iray vao erotrerony tokony ho 26 taona teo no maty tsy tra-drano rehefa voadonan’ny camion semi-remorque. Tsy nahatsikaritra na inona na inona ny mpamilin’ilay fiara fa mbola nizotra nilamina nanohy ny diany, horakoraky ny vahoaka teny an-dalana no nampijanona ny mpamily, teo vao nahafantatra ity farany fa nahafaty olona ny fiara noentiny.
Vaky ny lohan’ilay tovolahy, izay nitarika ny fahafatesanyn nahitana ratra ihany koa ny tongony, mponina eny amin’ny fokontany mandaniresaka ity namoy ny ainy ity, fantatra fa 6 miandahy izy no mpiray tampoho, lahyy tokan’ny ray amandreniny ity maty ity.
Rangahy manodidina ny 45 taona eo ihany koa no maty tsy tra-drano omaly alarobia tokony ho tamin’ny 9 ora maraina, teo amin’ny piste. Nitondra bisikileta ity rangahy ity no voafaokan’ ny fiara sami-remorque ihany koa. Nambaran’ireo nanatry maso fa niala lavaka ilay kamiao ka nahafaoka ilay rangahy nitondra bisikileta. Tsy nahatsikaritra ihany koa ny mpamily fa nanao loza ny vodifiarany. Maty teo no eo ilay rangahy, niparitaka eraky ny ara be ny rà. Tonga teny an-toerana ny mpitandro filaminana niaraka tamin’ny BMH nanao fizahana, naterina eny amin’ny tranom-paty ny vata mangatsiakan’ilay rangahy miandry ny fianakaviany haka ny razana.
Amin’izao ankatoky ny fety izao matetika no tena maha betsaka ny lozam-piarakodia, tokony ho mailo ny rehetra indrindra ny mponina eto antsirabe tsy dia manaja loatra ny ara be fa manao izay saim-patany, matetika izy ireny indray no avo vava rehefa mitranga ny olana.
Andry N.
