jeudi, avril 3, 2025
AccueilPolitiqueKaominin’i Toamasina renivohitra : Manana fanamby hanova endrika ny tananan’i Toamasina

Kaominin’i Toamasina renivohitra : Manana fanamby hanova endrika ny tananan’i Toamasina

Napetraka ny faran’ny herinandro teo ny samboadian’ny ben’ny tananan’i Toamasina renivohitra Atoa Alain Andriafanomezantsoa. Niatrika izany avokoa ny mambra ny governemanta sasany isan’izany ny minisitry ny asa vaventy izay misahana an’I Toamasina Atoa Rafidison Théodore, sy ny mpikamban’ny antenimieram-pirenena notarihan’ny filoha lefitra misahana an’I Toamasina Rtoa Naharimamy Irma Lucien. Lanonana natao teo anoloan’ny lapan’ny tananan’I Toamasina renivohitra.

Henjana ny fanamby eo amin’ny ben’ny Tanana vao voafidy eto Toamasina amin’ny fanatsarana ny endriky ny Tanana, mba ho tena kapitaly ekonomika azy marina i Toamasina. Manana toky amin’izany avokoa ireto niatrika ny fametrahana ny samboadin’ny ben’ny Tanana nandritra izany. Taorian’ny nametrahana azy koa izao efa indroa nivory tsy ara-potoana sahady ny mpanolontsain’ny kaominina, noho izay fanavaozana sy fanatsarana tian’ny ben’ny Tanana apetraka eto Toamasina izay.

Araka ny finiavan’ny ben’ny tananan’i Toamasina renivohitra dia manana fanamby ny tenany mba ho lasa tanan-dehibe manana ny maha-izy azy ny kaominina. Izay no mahatonga ireo mpanolontsaina, 10 avy amin’ny Irmar sy 09 avy amin’ny mpanohitra, miray saina foana tao anatin’izay fivoriana tsy ara-potoana indroa nataony izay. Mahatsapa mantsy izy ireo fa tena gaboraraka ny Tanana teo aloha, ka voatery nandray ireo fepetra samy hafa izy ireo na hita tsy mahafaly ny vahoaka sasany izany fanapahana noraisiny izany, indrindra amin’ny fanalana ireo mpivarotra mameno ny sisin-dalana fandehan’ny olona sy ireo kioska samy hafa. Isany fanapahana noraisin’izy ireo koa ny fampiakarana ny sarany fanaovana ny kopiam-pahaterahana sy ny fametrahana fiantsonana fiara sy moto eny amin’ny boulverd Ratsimilaho mifanakaiky ny sekoly lycée J Rabemananjara ary fanavaozana fisitrihana rano sy jiro ho an’ny mpiasan’ny kaominina izay omen’ny kaominina, eo koa ny fampihenana ny posy bisikileta efa maro loatra eto Toamasina amin’ny fanafohanana ny famokarana azy ireny vaovao sy fanovana ny laharan’ireo efa miasa.

Ankoatra izany dia fanapahan-kevitra feno fahasahina no noraisin’ny ben’ny Tanana amin’ny fanokafan-dalana eny amin’ny fokontany amin’ireo mpangalatra izany. Ho avy ny kaominina miaraka amin’ny mpandrefy tany hijery azy ireny akaiky, ka izay tsy manara-dalana tsy harodana na iza tompony na iza, satria fiarovana ny rehetra amin’ny loza mety hitranga izany. Ireo rehetra ireo no atao mba hisian’ny fanovana sy Tanana tsara rafitra eto Toamasina tsy hisian’ny loza intsoy amin’ny fahafahana mamonjy azy ireny ara-potoana.

Malala Didier

- Publicité -
- Publicité -
Suivez nous
409,418FansJ'aime
10,821SuiveursSuivre
1,620AbonnésS'abonner
Articles qui pourraient vous intéresser

LAISSER UN COMMENTAIRE

S'il vous plaît entrez votre commentaire!
S'il vous plaît entrez votre nom ici