Ny marainan’ny sabotsy faha-29 Marsa taona 2025 lasa teo iny, tokony tamin’ny iray ora katroka no nahazo antso an-tariby, makasika ny fikasana hanafika fiara taksiborosy, nataon’ireo malaso ny kaomandy ny vondron-tobim-pileovan’ny Zandary eto Betsiboka, ka nidina nalaky tany an-toerana, niaraka tamin’ny kaomandy kaompanian’i Maevatanàna sy ny lehiben’ny borigady ny Zandary aty an-toerana, ary ny Zandary maromaro tsy holazaina isa. Noho ny tonga teny izy ireo dia nahita ny vato efa mitandahatra eny amin’ny lalam-pirenena fahefatra, izany hoe: teo amin’ny Tetezan’Ambodimanga/Beanana, ato anatin’ny disitrikan’i Maevatanàna no sady nanala ny vato, saika nataon’ny jiolahy sakana ny fiara taksiborosy. Marihina fa nandamoka ny fikasana hanafika fiara taksiborosy no tsy tratra teo ihany koa ny jiolahy nikasa nanao ny asa ratsiny. Taorian’izay dia nanome baiko tsy misy hatak’andro ny kaomandy vondron-tobim-pileovan’ny Zandary aty an-toerana, amin’ny hanatanterahana ny fisafoana isaky ny alina, hiarahan’ny vatan-dehilahy sy ny mpitandro ny filaminana, sady nanampy ny isan’ireo Zandary eny an-kanja na amin’ny lalam-pirenena fahefatra. Ny androtr’io ihany no niaraka nifanome tanana, amin’ny fanotofona ny lavaka teo amin’ny Tetezan’Ambodimanga/Beanana sy ny lalam-pirenena fahefatra feno lavadavaka ny Zandary sy ny fokon’olona no nitety ireo fokontany sy kaominina maromaro, izay manamorona ny sisin’arabe ny tompon’andraikitra ny filaminana eo anivon’ny Zandarimariam-pirenena voalaza etsy aloha. Nitondra teny fanentanana ihany koa izy ireo mba hiantsoana ny laharam-pindain’izy ireo na andro na alina, mba tsy hisalasala rehefa maheno sy mahita tranga tsy fandriampahalemana miseho. Ny kaomandy ny vondron-tobim-pileovan’ny Zandary: 034 05 701 45 sy ny kaomandy ny kaompanian’i Maevatanàna: 034 05 701 47
Ratantely
