Rehefa naheno ny fahaverezan’omby tsarety roa, tao amin’ny tanàna atao hoe: Ambendrana, fokontan’Ambodivala, any amin’ny kaominina ambanivohitra Bekapaika, disitrikan’i Tsaratanàna, ato anatin’ny faritra Betsiboka ny Zandary avy ao amin’ny zana-tobim-paritra Bekapaika dia nanampy ny vatan-dehilahy sy ny mpitondra sarety, tamin’ny alalan’ny fanarahan-dia tsy nisy hatak’andro. Ny fampitam-baovao voaray avy any an-toerana no nahalalana fa hita teny atsimon’ny tanànan’Ambendrana, tokony tamin’ny 11 ora atoandro ny Zoma lasa teo, tany akaikin’ny tanàna atao hoe: Befanoro, fokontan’Ambodivala, sady nahazo amoron-drano sy tafiditra tao anaty akata, izay somary halavitra ny toerana nisehoan’ny halatra ny omby tsarety roa. Saingy tsy tratra teo ihany koa ny jiolahy tsy voafaritr’isa nitondra izany. Raha hiverenana hotantarana tokoa ny tena zava-nitranga dia sarety niisa fito no niala avy any sampanan-dalana Tsaratanàna, izay handeha hihazo any Tsaratanàna an-tampon-tanàna, ka rehefa tonga teo amin’ny tanànan’Ambendrana dia nahandro sakafo sy variana nihinam-bary, izy ireo no lasa tamin’izay ny omby tsarety roa.
Ratantely
