Tontosa ny 23 Janoary 2026 lasa teo ny fanokanana ny « commissariat de police » ao Andranomanelatra, Distrika Antsirabe faharoa.
Teboka efatra lehibe no nasongadin’ny minisitry ny Filaminam-bahoaka, Inspecteur Général de Police Erick Michel Wouli Idrissa, nandritra ny lahateniny tamin’ny fanokanana ity biraom-panjakanan’ny polisim-pirenena ity. Voalohany, ny fiarovana ny vahoaka sy ny fananany; faharoa, ny fampanjakana ny lalàna velona misy eto amin’ny Repoblikan’i Madagasikara; fahatelo, ny fametrahana ny fahefam-panjakana eny ifotony; ary farany, ny fanamafisana ny fitsipika sy ny fahamendrehana eo am-panatanterahana ny asa amin’ny fanompoana ny firenena.
Manam-pahefana maro teto Vakinankaratra, manamboninahitra sivily sy miaramila, no tonga nanatrika ny fotoana, notron’ireo olom-boafidy sy olom-boatendry teto Vakinankaratra.
Andry N.
