Olona iray no maty, ary iray hafa naratra nandritra ny fanafihan-dahalo, nitranga tao Analaria – Anjozorobe ny 15 novambra lasa teo. Andian-jiolahy maromaro mitondra basim-borona no nanafika ary nandroba omby 21. Nandeha nanaradia ny zandary sy ny fokonolona ka nifanehitra tamin’ireo mpangalatr’omby. Nandositra ireto farany ka tafaverina daholo ireo omby nangalariny . Nahitana taim-bala 7,65 mm teo amin’ny toerana nanafihan’ireo malaso. Ny zandary avy ao Ambatomanoina no manao ny fanadihadiana mahakasika ity fanafihana ity.
A.R.
