# – La Réunion. Famonoana an’i Ivann. Rehefa avy nohenoin’ny mpitsara ilay lehilahy iray voarohirohy tamin’ny nahafaty an’ilay teratany malagasy iray Ivann Rakotozafy dia fantatra fa nalefa any am-ponja miandry ny fitsarana azy. Tamin’ny alakamisy teo io olona io no niakatra tiribonaly. Misy ny porofo eo am-pelatanan’ny mpitandro filaminana hitazonana azy. Hatramin’izao anefa, hoy ny vaovoa, mandà ho tsy nanao izao heloka izao izy. Voampanga ho namono olona an-tsitrapo io lehilahy io.
# – 67 Ha . Nitohana ny lalana. Omaly tokony ho tamin’ny 1 ora tany ho any, nitohana ny lalana teny amin’ny faritry ny 67 Ha. Nisy ireny fiarabe mpitondra solika ireny nifandona tamina taxi-be. Dia teo afovoan’ny lalana no voabahana tamin’izany. Raikitra ny fimenomenoman’ny mpampiasa iny lalana iny fa naharitra ela dia ela izany fitohanana izany.
nangonin’i r.s.
