Tsy lasa lavitra ny olona roa dia tratran’ny mpitandro filaminana rehefa avy namaky ny traonon’ny filoham-pokontany tetsy Ambodivona, ny alin’ny 14 jolay teo tamin’ny 11 ora. Ny polisy avy ao amin’ny boriborintany faha-3 no nahatratra azy roa ireo. Vata fahitalavitra iray no azon’izy roalahy ireo ary napetrany tao anatina elakelan-trano io avy eo, fa nikasa hamaky trano fivarotam-panafody izay tsy lavitra teo ireto tontakely. Efa voalavaka ny rindrin’ilay trano no nandalo ny polisy nanao fisafoana ka nitsoaka ireto olon-dratsy ary raikitra ny fifanenjehana, saingy tsy lasa lavitra akory dia tratran’ny polisy izy ireo. Atolotra ny Fampoanoavana tsy ho ela izy roalahy ireto.
r.s.
