Hita sy tsapa tato ho ato eto an-tananan’Ambositra sy ny manodidina fa mitombo an’isa ireo alika mirenireny ary manao andiana maromaro. Tsy vita ny mirenireny sy mitady sakafo eran’ny tanànana ireto biby ireto fa mampitondra faisana ho an’ireo izay tratrany sy atahorana ihany koa ny hitsanganana ny arimontana, toy ny efa niseho tao amin’ilany atsinanan’ny distrikan’Ambositra.
Ny alatsinainy alina 17 aogositra sy ny atalata alina 18 aogositra lasa teo, dia nisy alika amin’ny andiany maromaro no nandripaka ireo vala kisoa tao Ambohimiadana. Vokatr’izany maro ireo kisoa no naratra sy maty. Efa maro ireo valakisoa no efa naripakin’ ireo andian’alika. Na dia vonona aza ny tompony ny hiaro ny fananany, dia tsapa fa tsy afa nanohitra firy, fa tena nasiaka dia nasiaka ireo alika nanao andiany maro maro. Eo anoloan’izany tsangan-javatra izany, dia mandry tsy lavo loha ireo mpiompy kisoa. Manampy trotraka an’izany ihany koa ireo mpangalatra amin’ny tsy fahandriampahalemana.
Koa manao antso ho an’ireo manampahefana mahefa ny mponina mba handray andraikitra amin’ny famonoana ireo alika mirenireny izay tsy mitsahatra ny mitombo an’isa. Fa indrindra amin’izao fialan-sasatra ny mpianatra izao izay maha be ny fifamoivoizina, ka mety hitera doza.
Anastase