#-Miandrivazo. Dahalo 30 lahy nanafika tanàna, olona roa maty voatifitra. Nisehoana fanafihan-dahalo mahery vaika tany amin’iny faritra Miandrivazo iny, ny alarobia lasa teo. Dahalo maherin’ny 30, nirongo basim-borona, no tonga nanafika tao amin’ny tanànan’Ankilitoka, kaominina Manandaza, ao amin’ny distrikan’i Miandrivazo. Omby 250 no lasa tamin’izany. Nanara-dia avy hatrany ny fokonolona ka nisy ny fifampitifirana teo amin’ny andaniny sy ny ankilany. Vokany olona roa tamin’ireo fokonolona mpanara-dia no maty, telo hafa naratra. Zandary 22 no nalefa hanampy ireo fokonolona sy kalôny hanara-dia ireo dahalo.
Nangonin’i m.L
