Fetin’ny rehetra tsy misy ankanavaka ny fetin’ny krismasy. Nankalaza izany ihany ireo miaramila avy ao amin’ny rezimanta voalohany, faritany miaramila faha-telo tany Toamasina ny alarobia lasa teo. Natomboka tamin’ny vavaka iraisam-pinoana izany, narahana kilalao sy fiarazana vatomamy ho an’ireo zanaka miaramila. Taorian’izay ny laha-teny nifandimbiasana, nisy ny fisaorana sy fanomezana fahatsiarovana hoan’ ny vadin’ny « chef de corps » sy ireo mpikambana ao amin’ny birao sosialy. Tsy adino ihany koa anefa ny fizarana nofon-kena mitam-pihavanana, ho firavoravoana amin’izao fetin’ny krismasy sy ny faran’ny taona izao, ho an’ireo fianakaviana tsirairay ao amin’ny sosialy, izay nanomezana harona iray, vilany, akoho matavy, vatomamy ary menaka iray litatra.
m.L
