Tranga tsy fahita tao Maroantsetra no niseho tao amin’ny distrikan’i Maroantsetra, tamin’iny herinandro nivalona iny. Nisy nandroba mantsy ny biraon’ny sampan-draharahan’ ny fananan-tany tany an-toerana, vaky tamin’izany ny “coffre” fametrahana ny vola, very ihany koa ireo antontan-taratasin-tany “sasany”. Raha ny angom-baovao tamin’ny mpitandro ny filaminana tao Maroantsetra, dia tsy resaka famakiana biraom-panjakana loatra no nitranga tamin’ity raharaha ity, satria tsy nahitana izany ny varavarana fa nosokafana tamin’ny fanalahidy “ara-dalana”. Ilay “coffre” koa tsy nisy faritra novakina fa nosokafana “ara-dalana” ihany koa izay nahavery ny vola rehetra tao anatiny; izay tsy fantatra mazava ny tena fitambarany. Ny tena nanaitra tamin’ity raharaha ity kosa, dia ny fahaverezan’ireo antontan-taratasin- tany sasany tao amin’izy ireo ; izay toa efa nofidina manokana mihitsy raha ny zava-misy hoy ny angom-baovao.
Malala Didier
