Nitrangana loza nahatsiravina indray tany Ihosy amin’ny lalam-pirenena fahafito iny, tany Ankily, ny 29 martsa lasa teo. Lehilahy iray no maty tsy tra-drano ary potika tanteraka tsy nisy noraisina ny vatany notetezin’ny kodiarana kamiao. Raha ny vaovao voaray ,dia nikirozaroza teo amin’ny varavaran’ilay kamiao ny tenany raha mbola teo am-pandehanana ilay fiara. Tsy nahatazona tampoka anefa izy ka avy hatrany dia nikorisa nahazo ny kodiarana aoriana ary voatetin’ny kodiarana tao. Mbola tamin’iny lalam-pirenena fahafito iny ihany, saingy ny alatsinain’ny Paska teo kosa, dia fiara Mazda sy 4×4 marika Toyota iray no nifandona vokatry ny fandehanana mafy tao Sahalalina, ka olona dimy no naratra mafy tsy maintsy naiditra hopitaly tao Fianarantsoa.
Articles qui pourraient vous intéresser