Fianarana namily fiara niafara tamin’ny lozam-pifamoivoizana saika handatsahana ain’olona.Tovolahy iray voalaza fa mamon-drongony, nangalatra nitondra fiaran’ny dadatoany, izay nianatra familiana no namoa-doza ny harivan’ny alahady teo tany Toliara. Tsy voafehiny ny familiana, tsy nijanona ilay fiara nentiny nirimorimo sy nibilabila eran’ny lalana raha tsy tany an-tranon’olona. Noho ny hatezeran’ny olona dia saika matin’ny fitsaram-bahoaka noho ny daroka sy vono mafy nahazo azy ity tovolahy ity izay naratra mafy. Tsy nisy aina nafoy tamin’ity loza ity fa ny fahasimban-javatra no mitentina an-tapitrisany maro.
Eric Manitrisa