Vehivavy iray no tra-tahaky ny polisy nivarotra rongony tao an-tranony tamin’ny faha-11 aprily lasa teo teny Ambohidroa Ambohimanarina. Nahazo vaovao ny polisy miady amin’ny fihanaky ny zava-mahadomelina fa misy olona mivarotra rongony eny an-toerana. Rehefa nofotorana izy dia nilaza fa tsy azy ireo rongony ireo fa an’ny sipany avy any Toliara. Fonosana rongony efa vonona ny hamidy miisa 35 no hita tao an-tranony. Nanampy izy fa iray volana no nivarotany an’io zava-mahadomelina io. Ankoatra ity vehivavy ity, lahilahy iray koa no tratra tao an-tranony. Tsy mpivarotra izy io fa mpifoka rongony efa an-taonany maro, araka ny filazany.
r.s.