Mpamily iray nitondra fiara hihazo an’i Taolagnaro no maty tampoka teo am-pamiliana fiara, ny alatsinainy lasa teo, tany amin’ny distrikan’ Ampanihy Andrefana. Voalazan’ny loharanom-baovao sy ny olona akaiky azy fa salama tsara ity saofera nindaosin’ny fahafatesana tampoka ity. Gaga anefa ny namany teo akaikiny izay nanampy azy tamin’ny familiana ilay fiara raha nahatsikaritra fa efa tsy miaina intsony izy, ary tsy nandeha nahitsy intsony ny fiara fa nivilivily eran’ny làlana. Soa fa tsy nandeha mafy ity fiara, fa saika zava-doza no nahazo ny mpandeha rehetra. Mbola tsy voafaritra mazava kosa hatreto ny antony nahafaty ilay mpamily, voalazan’ny loharanom-baovao voaray hatrany mantsy, fa antsasak’adiny taoriany izy avy nisakafo izao tra-doza izao.
Eric Manitrisa