Lehilahy iray manodidina ny 50 taona mahery no maty tampoka nitambositra, ny asabotsy teo, tany Toliara. Raha ny loharanom-baovao voaray, dia taitra mafy tamin’ny fahafatesan’ilay mpihira amerikana Prince ankafiziny ity rangahy taizan’ny aretim-po ity, ka safotra tsy nahatsiaro tena, ary nentina haingana hamonjy dokotera nefa teny an-dàlana dia tapitra ny ainy. Raha ny fantatra, dia maro amin’ ny olona ao Toliara no makafy sy miondana ny sangan’asan’ity mpanankato amerikana 57 taona mirefy 1,57 m ity, ary tsy afaka am-bavan’ny maro ny hiran’i Prince Rogers Nelson (tena anarany feno) mitondra ny lohateny hoe : “Purple Rain” . Marihina, fa tsy mihinan-kena (végétarien) ity artista amerikana fanta-daza ity, ary tsy nitomany na latsa-dranomaso mihitsy hatramin’ny fahatanorany na dia namoy ny ainy aza ny zanany, ny taona 1996.
Eric Manitrisa