Nahitana fatin-jaza menavava iray narian’olon-tsy fantatra indray tany Toliara afak’omaly. Raha araka ny loharanom-baovao dia nariana tamina lobolobo iray tsy lavitra ny arabe ny razana ary notaritaritin’ny alika ka nisy nahita. Raha ny tomban’ ireo nanatri-maso ity zava-doza mahonena ity dia tsaika dimy volana an-kibo nalana izy io ary nariana teo avy eo, satria efa feno avokoa ny rantsana mandrakotra ny vatany. Nampandre ny tompon’andraikitra avy hatrany ny teo an-tanàna ary nisy andian’olona nandevina ilay zaza menavava tsy manan-tsiny avy eo. Mbola tsy fantatra kosa, raha araka ny loharanom-baovao voaray hatrany, izay reny nahavonona ny loza.
Eric Manitrisa
