Nitrangana loza nahatsiravina indray tany amin’ny distrikan’i Vohipeno, Faritra Vatovavy Fitovinany, ny zoma 13 mey lasa teo. Mpihady volamena miisa fito no maty tsy tra-drano nirotsahan’ny tany tao Manjavela, fokontany Ankaboba, any amin’ny Kaominina ambanivohitr’i Mahazoarivo. Araka ny vaovao voaray dia teo am-pitrandrahana volamena izy ireo no nihotsaka tampoka ny tany vokatry ny fahamandoana, ka namoy ny ainy nilevim-belona tao tsy afa-nanavotra aina intsony ireto fitolahy, ary nanano sarotra ny fikarohana ny razana, satria naharitra ora maro. Fitadiavana mba hivelomana no nialana tany an-tanàna nefa vantana mangatsiaka tsy misy aina no novantanin’ny fianakaviana tamin’io “vendredi 13” io.
Eric Manitrisa
Vohipeno : Mpitrandraka volamena 7 maty tsy tra-drano nihotsahan’ny tany
Articles qui pourraient vous intéresser