Nivadika ho alahelo tanteraka ny fifaliam-be tamin’ity tokantrano iray tao Didy Ambatondrazaka ity. Fampakaram-bady nakotrokotroka moa ny Asabotsy 17 septembre 2016 teo, izay zanaka olona mpirahavavy iray tampoho ka ny iray nampiakatra fa ny iray kosa namoaka zazavavy ka rehefa tonga ny alatsinainy famaranana ny lanonana, nikenokenona hody ny rehetra. Kinanjo rehefa niampita lakana dia rendrika ny lakana nitondra ny fianakaviana vehivavy ka dia samy nidina anaty rano hamonjy izy mirahalahy ireto. Ireo navotana avotra avokoa fa izy mirahalahy vao avy nampiaka-bady no natelin’ny rano ary ny faha 22 septembre teo vao hita ny razana. Alahelo tsy misy aok’izany ny an’izy mirahavavy iray tampoho sy ny vadin’izy ireo avy. Nidina nanampy moa ny ben’ny tananan’i Didy.
Janus R
