Omaly, tokony ho tamin’ny 4 ora teo no nitrangan’ity loza ity teny amin’iny faritra Itaosy iny. Rangahy iray no voahitsakin’ny fiara tsy mataho-dalana iray teo amin’ny lohany.Vokatr’izany maty tsy tradrano ity lehilahy ity ary voalaza fa fisaka tanteraka ny lohany rehefa voahitsakin’ny kodiarana. Araka ny vaovao voaray dia fiara efa zatra mpandeha mafy ity fiara ity ka izao nahafaty olona izao. Nijininika ny rà nameno ny arabe ary vetivety dia nitangorona ny olona nijery ny fatin’ity rangahy ity. Ny loharanom-baovao hatrany no nahafantarana fa vokatry ny fandehanana mafy teo amin’ny mpamily no niteraka ny loza, araka ny fanazavan’ny olona nahita teny an-toerana. Tonga ny mpitandro ny filaminanana ka avy hatrany dia noentina natao famotorana ilay mpamilin’ity fiarakodia ity.
FINARITRA RAKOTO (Stagiaire)