Noho ny fahamaizan’ny trano iray, tany amin’ny kaominina Analampatsy distrikan’i Toliara II, ny alin’ny alatsinainy hifoha ny tala teo, dia zazalahy kely iray vao roa volana monja no may kila forehitra. Raha ny vaovao voaray, dia tsy fantatra mazava izay niandohan’ny afo tamin’io fotoana io. Taitra noho ny firedaredan’ny afo tamin’ny torimasony izy mivady tao an-trano, ary rangahy nihevitra fa nentim-badiny ny menaky ny ainy. Ramatoa koa nihevitra torak’izany, kanefa tavela tao an-trano ilay zaza, saingy efa tara loatra ny famonjena ka tsy nisy na inona na inona azo natao intsony. Maty ny afo, razana efa kila tanterana no nalaina.
Eric Manitrisa