Nipoitra tampoka indray ireo andian-jiolahy mpitaingina moto scooter sy mpitondra basy PA mpanao fanafihana an’ireo olona hahazoan’izy ireo vaovao fa misy vola be tahiry ao aminy amin’izao ankatoky ny fety krismasy sy ny taom-baovao izao, raha nangingina izy ireo tao ho ao izay.
Mpivaro-kazo iray nahalafo hazo mitentina 5 tapitrisa ariary tamin’ity olona hanamboatra trano nividy hazo no lasibatra tamin’izany. Haraka ireo jiolahy tsara ny fandehan’ny zava-nisy rehetra tamin’izao raharaha izao ka tokony tamin’ny 7ora hariva ny alatsinainy teo raha nahazo toky ny mbola nahatao an-tranon’ilay mpivaro-kazo ny vola ireto andian-jiolahy, dia avy hatrany dia nanafika azy izay tena haingana ny nanaovan’izy ireo ny fanafihana. Lasan’izy ireo ilay vola be sy ny vola hafa matin’ilay mpivaro-kazo tamin’io fotoana io. Nanao ny ezaka rehetra nanenjehana ireto jiolahy roa mpitaingina moto scooter ireto ny polisy tao Mangarano nampiany ny namany, saingy maizina ny lalam-pasika nitsoahan’izy ireo ka sarotra ny fanarahan-dia nataon’ireo mpitandro ny filaminana. Na izany nosokafan’izy ireo ny fanadiadiana, ireto andian-jiolahy koa nandritra ny fanafihana nataony tsy nisaro-tava, ka araka ny vaovao dia mbola tarika ireo jiolahy efatra efa tratra teo aloha teo anivon’ny polisy ny Tanambao II izy ireto, ary tafiditra amin’ireo andian-jiolahy karohana amin’izao.
Tsy nisy aloha ny naratra nandritra izao fanafihana ny volan’ity mpivarotra hazo tao Mangarano ity izao, na niezaka niaro ny fananany ilay tompom-bola. Misy ihany koa izao ny fanaraha-maso ireo olona akaiky ity mpiravo-kazo ity, ka isany amin’izany ireo “dockers” mpibata hazo nokaramainy tamin’io fotoana io.
Malala Didier