Olona telo no voasambotra tao Tsarazaka fokontany Andranomasina kaominina Ambohinambola distrikan’i Betafo ny faran’ny herinandro lasa teo. Resaka fanamboarana basy vita gasy no nisamborana ireto olona ireto.
Tamin’ny alàlan’ny angom-bavaovao no nahafantaran’ny zandary ny fisian’ireo andian’olona manamboatra basy vita gasy ireto. Taoarian’ny fahazoan-dalana avy amin’ny fitsarana no niroso tamin’ny fisavana ny trano fonenan’izy ireto ny zandary. Inona tokoa fa mbola tratra tao amin’izy ireo ny basy gasy calibre 12 iray sy basy poleta vita gasy iray miaraka amin’ny bala 7.5mm miisa roa.
Ankoatra izay dia mbola tratra tao amin’izy ireo ihany koa ny basy « Canon » andalam-pahavitana azy miisa 5 sy ireo fitaovana fanamboarana azy.
Ananan’ireto olon-dratsy ireto ny traikefa fanamboarana basy ary tsy vitan’izay fa mbola nahatratrarana akanjo miendrika fanamiana mpitandro filaminana miisa roa tao amin’izy ireo.
Andry N.
