Mpianatra miisa 15 eo anivon’ny CEG Ambanja no nihetsika ambalavelona ny alakamisy teo, tokony ho tamin’ny sivy ora sy sasany maraina. Nandritry ny fialan-tsasatra (récréation) no nitrangan’izany. Nisahotaka ny iray sekoly ary nanao izay fomba rehetra hanaterana ireo mpianatra teny anivon’ny toeram-pitsaboana tao an-toerana ny mpitantana ny sekoly sy ny mpampianatra. Nanapa-kevitra ihany koa ny mpitantana ny nanajanona avy hatrany ny fampianarana mandram-pilamin’ny raharaha. Nivory avy hatrany ny fikambanan’ny ray aman-drenin’ny mpianatra manoloana ity tranga nahazo ny mpianatry ny CEG Ambanja ity. Matetika no hanafarana mpiandry ny fisian’ny ambalavelona izay heverina araka ny fijery Kristiana fa asan-devoly. Tsy ity no sekoly voalohany nitrangan’ny toa izao ary nisy fotoana aza dia saika niharan’ny fitsaram-bahoaka mihitsy ny olona izay nivoaka tamin’ny vavan’ny ankizy ny anarany.
D.R
