Manoloana ny firongatry ny asan-dahalo any amin’ny distrikan’ Ambato Boeny, dia miraviravy tanana, very fanahy mbola velona ireo tantsaha eny ambanivohitra, satria ankoatra ny fananana very lasan’ny dahalo, mandatsaka aina ihany koa ireo mpanani-bohitra. Taorian’ny fanafihan-dahalo niseho tao Tsaramandroso, nahaverezana omby 12 isa izay lasan’ny malaso nirongo basy (nisy tamin’ny dahalo nampiasa Kalachnikov), afak’omaly, dia nanao ny fanarahan-dia ny fokonolona teo an-tanàna. Tao anaty fifampitifirana, dia tovolahy iray tamin’ireo mpanara-dia no maty tsy tra-drano lavon’ny balan’ ireo mpangalatra omby, ary olona dimy hafa naratra mafy voatifitra, hoy ny vaovao.
Eric Manitrisa
