Efa tsy fantatra intsony ny hetraketraka hataon’ny tanora an-kehitriny, hany ka lasa mahazo tsiny amin’ireo ray aman-dreny niteraka amin’ny teny hoe tsy mananatra zanaka, vokatry ny hadalana ataon’izy ireo. Raha ny vaovao mari-mpototra voaray hatrany dia nahitana lanonana famadian-drazana ny tao amin’ny fokontan’Ambatofotsy, kaominina Maevatanàna ambonivohitra ny alin’ny talata lasa teo iny. Avy teny am-pamongarana ireo taolambalo hampiakarina ao amin’ny tanàna voalaza etsy aloha no nisy tovolahy iray notsatohan’olona lohan-tavoahangin-dabiera novakiana, teo amin’ny tendany tao anatin’ny lanona fitondrana razana hihazo eny Ambatofotsy. Vokany: naratra ity farany. noezahina nentina namonjy hôpitaly nalaky teny Morafenokely, saingy tsy vita tao izany, fa voatery nentina niakatra any Antananarivo. Tsy misy atahorana kosa ny ainy amin’izao fotoana anoratanay ny lahatsoratra izao. Efa voasambotry ny polisy kosa ireo tovolahy roa avy ao Morarano, nanatanteraka ny loza. Ny feo miely etsy sy roa ihany koa no nahalalana fa mety ho valifaty amin’ny resaka moraingy watsa tao Ambodimanary, na ihany koa amin’ny fitiavana vehivavy, no anton’izao tsatoka lohan-tavoahangy vakin-dabiera izao.
Ratantely
