Ny alin’ny 30 hifoha 31 desambara dia notafihina dahalo 12 lahy mirongo basy sy antsy ny tokantrano iray tao Ambatolahy – Mandoto. Tsy iza ity voatafika ity fa ny olona mpanangona ny « ristourne » ao an-toerana ihany. vola 840.000 ariary no norobain’ireo jiolahy tamin’izany. Nalain’izy ireo ihany koa ny taratasy « quittance » maromaro izay fanangonam-bola. Nandositra niatsinanana ny dian’ireo mpanafika ka lasa nanao fanarahan-dia ny zandary telolahy niaraka tamin’ny solontenan’ny fokonolona vitsivitsy.
A.R.