Renim-pianakaviana iray no naratra noho ny fanafihan’ny jiolahy tokantrano iray tao Tanambao Ambatondrazaka .Tokony tany amin’ny 1 ora maraina tany ho any no nisy nanafika ity tokantrano ity, ny alatsinainy 02 febroary 2015 teo,ka jiolahy 3 lahy mitondra antsy lava lela no nandroba azy .Nokapainy tamin’ny antsy ny ranjon’ilay renim-pianakaviana, izay voa mafy tokoa.Vokany : lasa ny volabe eo amin’ny 4 hetsy ariary any ho any, niampy kojakoja tao an-tokantrano toy ny fahita lavitra ,sy ireo entana sarobidy .Toa saika nahazo vahana ny fanafihana, satria vao tsy ela izay dia tokantrano maromaro no najifa entana. Manongotra varavaran-kely mihitsy ireo jiolahy amin’izany. Mijojo ny orana ka samy variana matory ny rehetra . Mandry tsy lavo loha ny vahoaka amin’izao fotoana izao ary tokony haverina indray ny andrimasom-pokonolona, raha ny fangatahan’ny maro.
Janus R