Nitrangana haitrano mahatsiravina tao Ambilo-Betiaka, ny 7 desambra lasa teo. Trano 123 no indray levon’ny afo. Voalaza fa noho ny tsy fitandreman’ny vehivavy iray mpivarotra lasantsy an-tsokosoko no nahatonga ny loza. Mahatratra 600 ny olona tsy manan-kialofana vokatr’io haintrano io, ary saika niharan’ny fitsaram-bahoaka ilay vehivavy nahatonga ny loza, ka nentin’ny zandary avy hatrany tany amin’ny sampana misahana ny heloka bevava any Antsiranana. Efa nidina any an-toerana ny tomponandraikitra nijery akaiky ireo olona tra-boina.
A.R.
