Ny 14 febroary teo tokony tamin’ ny iray ora maraina, nisy jiolahy nandroba tao amin’ ny fivarotana iray teny Mamamba Ambohibao. Ny varavarana no nopitsohin’ ireto olon-dratsy tamin’ ny « Barre à pince ». Ankoatr’ izany , basy PA sy antsy no fitaovana nentin’ ireto mpandroba tamin’ izany. Avy hatrany dia nivantana tany amin’ ny efitra fatoriana izy ireo ka nanambana basy ny tao an-trano, tsy nahahetsika ny tao an-trano raha vao nahatazana ireo fitaovam-piadiana teny an-tànan’ ireto mpanafika, ka dia nanarampo ry zalahy tamin’ izay entana tiany hentina . Folo minitra teo no naharetan’ ny fanafihana ka lasan’ izy ireo tamin’ izany ny vola 400 000ar, fahana finday mitotaly 240 000ar ary “playstation” iray . Vao nahazo izay nilainy ireto jiolahy dia lasa nirifatra nandositra tsy nisy ny fampiasan-kery tamin’ izany, ny tompon-trano koa tsy nanohitra ka dia nisaraka tsy nisy naratra fa ny entana no very.
ALEM
