Nitrangana lozam-pifamoivoizana nahafatesana olona tsy manan-tsiny indray tamin’ny RN7, tao an-tampon-tanànan’ Ambohimahasoa, omaly tolakandro, tokony ho tamin’ny iray ora sy 40 minitra, ka tovovavy kely iray handeha hianatra no maty tsy tra-drano voadonan’ny fiara Starex, teo amin’ny « Epp Annexe » Antaninarenina ampitan’ny Lapan’ny tanàna. Araka ny tati-baovao voaray, nandeha mafy nirimorimo ity fiara 4×4 izay nisongona « Sprinter » teo alohany, ka nandona an’ilay zaza. Noho ny hamafin’ny dona nahazo an’ity tovovavikely mpianatra, dia maty teo ho eo izy ary vaky ny lohany, tapaka ny feny havanana, ka nandriaka eraky ny arabe ny rà. Pempo kosa ny lohan’ny fiara nandona.
Eric Manitrisa
