Lehilahy iray no niharan’izany ny alakamisy teo. Niakatra teny ambony andrin-jiro izay mitondra herinaratra mahery vaika ny tenany. Azo heverina ho naharay ny « fil » izy ary natsipin’ny herinaratra avy eny ambony eny. Ankoatra ny fahamaizana nahazo azy izany dia mbola nihatra taminy koa ny fianjerana mafy. Teo ihany dia maty tsy tsa-drano ilay lehilahy. Ny olona sendra nandalo no nahita azy izay efa nitsiatra teo amin’ny tany. Hatreto dia tsy nisy nahafantatra izay antony niakarany teny ambony teny. Maro ny olona izay nieritreritra fa mety ho namoy fo izy. Koa satria fahafatesan’olona no nitranga dia nisy ny fanadihadiana izay nosokafan’ny mpitandro ny filaminana.
D.R
