Samy resy lahatra ny rehetra fa haverina amin’ny maha tsenabe mampalaza an’Alaotra Mangoro azy ny tsenabe ZAMA, na Zina Alaotra Mangoro, ny faha 6 ka hatramin’ny faha 10 jolay 2016 izao .Tsara rahateo ny vokabary aty Alaotra amin’izao fotoana izao ka nankasitrahan’ireo tompon’andraikitra isan-tsokajiny io volana hanaovana ny tsenabe io, satria eo ny vahoaka no tena manambola, hoy ny fanazavana . Haverina avokoa ny fampirantiana ireo karazana biby mampalaza an’Alaotra Mangoro , ny voay, ny bandro , ny lambo, ireo bibilava, ny vorona sy ireo karazam-biby maro ,ny karazana vokatra maro ,ireo karazana harena sarobidy na an-tanety na anaty rano ,hisy ihany koa ny fampirantiana ireo fitaovana fampiasan’ny tantsaha ,izany hoe hialana ny hoe tsenaben’ny lamba fotsiny .Eto an-tampon-tananan’Ambatondrazaka no hanaovana ny lanonana rehetra ka ny faha 7 jolay dia efa hisy ny fanokafana amin’ny fomba ofisialy ity tsenabe ity ary ny Asabotsy no fanakatonana ny lanonana .Tsenabe hifantoka amin’ny vokatra sy ny harena aty Alaotra Mangoro ity tsenabe ZAMA ity ka hanasana ny rehetra hoy ny tompon’andraikitra.
Janus R.