Moto scooter avokoa izy ireo ary nipetraka tsara tao anaty « parking » izay misy miambina. Nanjavona avokoa anefa ireo moto efatra ny alin’ny sabotsy hifoha alahady teo. Nametraka fitoriana teny anivon’ny zandary ny tompon’ireo kodiaran-droa ary tsy ela dia nisokatra ny fanadihadiana. Isan’ny nosamborina tamin’ity raharaha ity ny mpiambina ilay toerana. Nivoatra ny fanadihadiana ary tonga hatramin’ny fisavàna trano teny Ambohimangakely. Nahitam-bokany izany satria sarona tao ny kodiaran-droa miisa telo. Avy hatrany dia nitohy teo ny fisamborana ny tompon’ilay trano. Mbola nitohy ihany ny fakàna am-babany ary omaly dia mbola nisy ny fisamborana natao. Hita koa ny moto fahefatra tao anatin’izany. Olona dimy notazomin’ny zandary amin’ity tranga ity ary ny kodiaran-droa kosa dia efa haverina amin’ny tompony avokoa.
D.R
