Tranga nahavalalanina ny maro no niseho tany amin’ny Distrikan’ Amparafaravola. Vadintany iray teo am-panatanterahana didim-pitsarana no niharan’ny fikasihan-tanana, tao amin’ny Fokontany Antsakoana, ka torana tsy nahatsiaro tena noho ny dona mafy nihatra taminy. Raha ny vaovao voaray, dia notoherin’ny tompon-trano ity vadintany ity rehefa hampihatra ny didim-pandravana trano, ka voatora-bato sy voakapoka in-telo teo amin’ny lohany. Tao anaty sakoroka, tsy voaaron’ireo mpitandro filaminana niaraka taminy ity vadintany ity, ka naratra mafy, ary mbola manaraka fitsaboana hatramin’izao.
Eric Manitrisa
