Miaramilan’i DAS nanao fisavana olona nampiahiahy no niharan’ny daroka avy amin’ireto farany. Nalain’ireo olona hatramin’ny basy teny amin’ilay miaramila raha araka ny vaovao azo. Nisy ny fifandonana teo amin’ny roa tonta izay niteraka faharatrana avy amin’ny andaniny sy ny ankilany. Rehefa nohamarinina dia olona handeha hanao fitrandrahana vato eny an-toerana ireo namaly rehefa nosavaina. Niantso namana ilay miaramila ary natao ny fisamborana ireo olona. Ny efatra ihany no azo raha tafatsoaka ny namany hafa. Voaverina ihany koa ny basy notananan’ilay miaramila. Natolotra ny zandary ireo olona efatra ary nisy ny fanadihadiana natao azy ireo. Ireo naratra kosa nentina teny amin’ny hopitaly.
D.R