Tamin’ny valandresaka nataon’ny avy ao amin’ny « Sécurité Urbaine de Tananarive » (SUT) Tsaralalana notarihan’ny « commissaire principal de police » Razafimanantenasoa Herivelo Ralaimong no nahafantarana fa mpamaky trano maromaro no tratra teny Andraisoro ny zoma lasa teo. Nanao fisafoana teny an-toerana ny mpitandro filaminana. Nisy roalahy nitondra entana nampiahiahy. Tokony ho tamin’ny 2 ora maraina tamin’izay. Nosavaina izy ireo ka hita teny amin’ny kojakojan-dakozia sy tavoahangy marobe tany fitoerany. Rehefa natoa ny fanadihadiana dia fantatra fa avy namaky lakozia miisa telo ry zalahy ireo. Nisy namany roa hafa nosamborina avy eo.
r.s.
