An-dranomaso ireo ray aman-drenin’ity tovovavy vao 15 taona hitan’ny olona nihantona tamin’ny tady tao Andranomadio P/elle 11/43 Toamasina ity, ny marainan’ny sabotsy teo, raha nahita an-janany nihantona tamin’ny tady. Tsy fantatra mazava ny anton’ilay famonoan-tena, fa araka ny tenin’ireo olona manodidina sy ny ray aman-drenin’ilay tovovavy maty, dia manana olona ara-pitiavana ilay tovovavy, sy manana olana ara-piaraha-monina koa vokatr’izany, ka tsy mahita hevitra intsony izy hamahana izany, ka izao famoanan-tena izao no hitany ho vahaolana. Ao anatin’izany anefa dia efa tonga teny ny mpitandro ny filaminana nanao fanadihadiana mikasika izany, mba hamantarana marina fa famonoan-tena ny raharaha, satria ny mahagaga ireo nahita ilay olona voalaza fa namono tena dia mifanakaiky amin’ny fototr’ilay hazo nanantonany tena izy. Ho hita eo ny tohin’ity raharaha ity…
Malala Didier
