Ny alatsinainy lasa teo tokony tamin’ny 4 ora hariva no nisy nahita ny fatin’ity lehilahy ity nitsingevana tao anaty rano fanjonoana iray teny amin’iny faritra Ankadindratombo iny. Araka ny vaovao voaray dia teo am-pajonoana ity lehilahy ity no niharan’izao loza izao. Ny loharanom-baovao hatrany no nahafantarana fa efa zatra manjono eo amin’io toerana io ity lehilahy ity ka izay no tsy nahataitra ny maro , 40 taona eo moa izy ity ary voalaza fa manam- bady aman- janaka ihany koa. Raha ny fantatra, araka ny vaovao voaray, dia fanina ity lehilahy ity, ary avy eo dia niankohoka avy hatrany tao anaty rano . Efa roa andro taorian’ny nahafatesany moa vao nisy nahita ny fatiny, efa maimbo. Raha ny fanazavana azo dia efa zatra tsy mody an-trano matetika ity Raim-pianakaviana ity ka izay no tsy nahataitra firy ny fianakaviany. “ Efa zatra tsy mpody an-trano izy ka izay no tsy nahataitra anay”. Araka ny fitantaran’ity ramatoa iray ity izay Havan’ny lehilahy akaiky. Marihina moa fa lavidavitra ny trano fonenan’ity raimpianakaviana ity ilay toerana fanjonoany.
Nangonon’I FINARITRA. R (Stagiaire)