Nisehoana vaky trano teny amin’ny faritra Ankadivato ny alahady lasa teo. Ny loharanom-baovao no nahafantarana fa vahiny no tompon’io trano io. Tsy tao anefa io tompony io tamin’ny fotoana nahatongavan’ny mpandroba ka dia afaka naka izay tiany ireo mpangalatra. Very tamin’izany ny vola, ny firavaka volamena, ny ordinatera fitondra ary finday. Efa misy fanadihadiana misokatra amin’izao fotoana izao ka heverin’ny mpanara-baovao fa hisy ny fanampim-baovao ho fantatra tsy ho ela.
Nangonin’i r.s.