Ny alarobia faha-16 oktobra no voasambotra ny tovolahy iray antsoina hoe Bolo, 18 taona, docker eny amin’ny tsena 67 Ha. Voarohirohy tamin’ny fidarohana ka nitarika fahafatesana mpianatra iray izy. Ny alahady faha-12 oktobra dia voalazan’ny vaovao fa mamon-toaka sy rongony ity Bolo ity ary dia namono ilay mpianatra. Naratra mafy tokao ilay ankizy. Telo andro taty aoriana, nametraka fitoriana tany amin’ny mpitandro filaminana ny havan’ilay mpianatra. Talohan’izany dia tsy maintsy nampidirina hopitaly ilay voalako. Dia izao namoy ny ainy izao. Ny polisy avy ao amin’ny SUT Tsaralalana no nandray andraikitra ary nisahana ny fanadihadiana. Nokarohina ilay nahavanona ny loza ary nosamborina teny amin’ny COUM 67 Ha tsy lavitra ny tsenan’i Bagdad, ny alakamisy teo. Tamin’ny fanadihadiana azy dia nolazain’ny vaovao avy any amin’ny polisy fa nanaiky ho nanao ny heloka izy. Atolotra ny fampanoavana anio ity mpamono olona ity.
r.s.
