Fiara fampiasan’ny orinasa tambazotram-pifandraisana iray no niharan-doza omaly hariva raha iny nihazo ilay lala-manitsy, manaraka ny lakan-drano avy any Tsaramasay sy Ankorondrano iny. Voalaza mantsy fa niala môtô nifanena taminy ity farany ka niala ny lalana. Ary nilatsaka avy hatrany tao anatin’ilay lakan-drano. Tsy nisy ny aina nafoy, raha ny vaovao azo teny an-toerana, saingy olona iray teo amin’ny fipetrahana aloha no nisy faharatrana ary efa nentina namonjy toeram-pitsaboana haingana. Efa tazana teny an-toerana, nijery ifotony ny zava-nisy ny pôlisy na ny teo anivon’ny PPA Ankorondrano na ny « BAC » izay heverina fa hanokatra ny fanadihadiana.
m.L
