Manoloana ny filazana an-gazety navoakan’ny Cnaps momba ny fisiana orinasa mandraharaha amin’ny resaka varotra tao-trano mitonona fa nahazo alàlana avy amin’ity Tahirim-panjakana misahana ny fiarovana ara-tsosialy ity, nitondra ny fanazavana ny mahakasika izany teo anatrehan’ny mpanao gazety ny iray amin’ireo mpandraharaha voakasik’izany. Nambarany fa tsy marina ny filazana fa milaza ho manana taratasy ahazoany mivarotra io tany io avy amin’ny Cnaps mihitsy ny tenany. Mbola tsy nitady mpividy ary tsy hanao izany mihitsy ny orinasany. Fanaratsiana sy fanalam-baraka atao amin’ny orinasa malagasy mba miezaka manao ny mety sy manara-dalàna angamba no tonga tany amin’ny tomponandraikitra ao amin’ny Cnaps, ka nahatonga azy ireo nanao iny fanambarana miendrika fampitandremana iny, hoy izy.
T.M.