Izy hamonjy fodiana ary nandeha tamin’ny elakelan-trano no notsenain’ny mpanendaka mitazona zava-maranitra toy ny sabatra sy ny antsilava. Ny alin’ny talata teo, tamin’ny 10 ora alina, no nisehoan’izany asan-jiolahy izany tetsy Namontana. Lasa avokoa ireo fitaovana fampiasa amin’ny asany maha-mpanao gazety sy mpanolotra fandaharana eo anivon’ny onjam-peo iray eto an-drenivohitra. Tsy vitan’izany fa mbola voatsatok’antsy intelo koa izy, teo amin’ny kibo sy hatoka ary ny tongony. Ny hany tsy lasan’ireo olon-dratsy dia ny findainy izay natsipiny tao anatin’ny maizina raha vao hitany ny fiavian’ireo mpanendaka. Naratra mafy ary tsaboina ao amin’ny Hjra ilay mpanao gazety nanomboka ny amin’ny talata.
D.R
