Akoatra ny fangalaran’ny sasany ireo harena sarobidy (bois de rose sokatra, volamena sy safira omby…..) misy amin’iny faritra Anôsy iny , nadritra ny fitondran’ny cr teo aloha ,nanampa-kevitra Ingahy lehiben’ny faritra fa tsy azo atao intsony ny mitrandraka “corail noir” manomboka izao. Momba ity vokatra an-dranomasina iray ity dia efa betsaka ireo teratany vahiny, toy ny sinoa, no mitrandraka azy io an-tsokosoko, ary mahavatra manarama olona maro be hitady azy io any anaty ranomasina lalina. Saika amin’ireo morontsiraka misy any Fort-dauphin no ahitana azy io, ary maro ireo mpivahiny sy Malagasy avy amin’ny faritra hafa no mira-miasa amin’ireo sinoa voalaza teo. Marihina fa saika isan-kerinandro dia manondrana any ivelany ireto vahiny ireto. Manolona ny fitrandrahana tsy manara-dalàna izay dia nilaza ny tao amin’ny fiadidiana ny faritra Anôsy fa tsy azo atao intsony ny mitrandraka izany “corail noir izany”. Voakasik’izany ireo kaominina manamorona ranomasina.
Rom Farady
