Niakatra fitsarana ny alatsinainy teo tany Antalaha ny raharaha famonoana zazavavikely enina taona tamin’ny « bois rond ». Nilatsaka ny sazy ka ramatoa iray no migadra telo taona an-tranomaizina miampy fandoavana onitra 2 tapitrisa ariary. Raha araka ny vaovao voaray dia nodarohan’ity renim-pianakaviana ity tamin’ny hazo lehibe « bois rond » ny zana-drahavaviny, ka naratra mafy ary tapaka mihitsy ny tongony havia, izay mbola manaraka fitsaboana hatramin’izao. Tezitra tamin’ny habibiana vitan’ity nenitoany ny ray amandren’ilay zaza ka nitory azy. Niezaka nanao raharaham-pihavanana ihany ilay ramatoa namono nefa tsy nilefitra ny renin’ilay zaza.
Eric Manitrisa
