Tanora tsy ampy taona ny ankamaroan’ireo tra-tehaka mangalatra lavanila maitso mbola tsy matoy eny am-potony, ankehitriny, any amin’ny faritra Sava. Rehefa avy natolotra ny Fitsarana, afak’omaly, dia naiditra am-ponja vonjimaika, ao amin’ny fonjaben’ Antalaha, ilay tovolahy sarona nangalatra lavanila manta nilanja 400 g, tany Vohémar, ny zoma teo. Raha ny fanazavana azo avy amin’ny mpitandro filaminana any an-toerana, na kely na betsaka ny lavanila nangalarina, dia mitovy ihany ny sazy azon’ireo mpangalatra (dahalon-davanila).
Eric Manitrisa