Ny andron’ny faha 19 Marsa taona 2025 teo, tokony tamin’ny 08 ora mahery 35 minitra alina tany ho any no nahazo vaovao mari-pototra ny Zandary avy ao amin’ny Zana-tobim-paritra Bevilany, fa nisy dahalo mihaodihaody ao amin’ny fokontan’Antanambao, any amin’ny kaominina ambanivohitra Tsararano, ato anatin’ny disitrikan’i Maevatanàna. Rehefa nahare ny fampitam-baovao ny mpitandro ny filaminana dia avy hatrany nijery akaiky ny zava-nisy. Nandritra ny fikonokononana asa ratsiny no nahitana an’Atoa Todisoa sy ny namany, izay dahalo raindahiny amin’ny halatr’omby sy fanafihana mitam-piadiana, tokony tamin’ny 11 ora alina. Rehefa nametraka ny paikady mba hafahana nisambotra azy ireo ny Zandary no tsikaritr’ireo malaso, ka tonga dia nitsoaka nandositra avy hatrany, ireto farany. Voatery nampiasa ny fitaovana teo am-pelatanan’ireo Zandary, taorian’ny teny fampitandremana. Vokany: Lavon’ny balan’ny Zandary nisasasasa taminy i Todisoa raha tafaporitsaka kosa ireo namany sivy ambiny. Ity dahalo raindahiny maty voatifitra ity dia isan’ny dahalo raindahiny henjehina, saingy tsy misy sahy mijoro ireo voarobo nohon’ny tahotra valifaty. Mitohy hatrany kosa moa ny fikarohana ireo namany no ireto avy izy ireo. Manampy monina any Abalakida/Antanambao, Fulgence monina any Antsoihibe, Tantsika monina Morafeno/Bevilany.
Ratantely
