Nisehoana lozam-pifamoivoizana mahatsiravina indray teny amin’ny lalam-pirenena fahefatra, PK279+400 tany amin’ny kaominina ambanivohitra Antanimbary, ato anatin’ny disitrikan’i Maevatanàna ny marainan’ny Alarobia faha 12 Febroary taona 2025 lasa teo iny, tokony tamin’ny efatra ora tany ho any. Ny angom-vaovao hatrany no nahalalana fa fiara taksiborosy nasionaly iray, izay mampitohy an’Antananarivo sy Sambava no nifaoka fiara » Fourgon, » iray nijanona nanome lalana azy, rehefa hiditra tetezana. Vokany: potika tsy nisy noraisina avy ny lohan’ireo fiara roa ireo, ary vehivavy nitondra vohaka iray noentina teny amin’ny hopitalibe Morafenokely teto Maevatanàna nalaky, saingy nomoy ny ainy teny am-pitondrana azy izy, raha efatra kosa ny olona naratra tamin’ireo mpandeha fiara taksiborosy no efa manaraka fitsaboana eny tombim-pahasalamana aty an-toerana, raha ny fampitam-baovao voaray hatrany.
Ratantely
